Assalamu’alaikum warahmatullahi wabarokatuh
Kepala Dinas Pendidikan Kabupaten Rembang ingkang kinurmatan,
Muspika Lasem ingkang kinurmatan, Ketua Komite SMP N 1 Lasem ingkang
kinurmatan, Kepala SMP N 1 Lasem ingkang kinurmatan, sedaya Bapak/Ibu wali
murid kelas 9 SMP N 1 Lasem ingkang kinurmatan, ingkang kula urmati Bapak/Ibu
Guru saha staf karyawan SMP N 1 Lasem ugi boten kesupen sedaya kanca-kanca
kelas 9 saha adhik-adhik kelas 7 ugi kelas 8 ingkang kula tresnani.
Kaping sepindhah sumangga sami sesarengan syukur dhumateng Gusti
Ingkang Maha Kuasa ingkang paring pinten kenikmatan dhateng kula tuwin
panjenengan sami sehingga kita saged makempal wonten adicara perpisahan murid
kelas 9 SMP N 1 Lasem kanthi sehat walafiat boten wonten alangan setunggal
punapa.
Kula matur nuwun sanget dhateng rawuhipun Bapak/Ibu tamu undangan
ingkang kersa nglodangaken wekdal ing adicara perpisahan kelas 9 menika.
Bapak Ibu Guru ingkang kinurmatan
Sepindhah kula matur nuwun sanget dhateng Bapak/Ibu Guru ingkang
sampun paring ilmu dhateng kula sakanca salami kirang langkung tigang warsa.
Bapak/Ibu Guru ingkang sampun maringi bimbingan ugi ginula wentah dhateng kula
sakanca kanthi sabar. Sehingga kula sakanca saged lulus ujian kanthi hasil
ingkang sae.
Bapak/Ibu Guru ingkang kula urmati, kula minangka sesulihipun murid
kelas 9 nyuwun pangapunten, mbok bilih kula sakanca selami dibimbing wonten
kalepatan ingkang menawi disengaja utawi boten disengaja dhateng Bapak Ibu Guru
kula nyuwun pangapunten ingkang kathah.
Saksampunipun kula lulus saking SMP N 1 Lasem tercinta niki, kula
sakanca nyuwun idi pangestu dhateng Bapak Ibu Guru. Kula sakanca badhe
nerasaken sekolah ingkang langkung inggil. Supados saged nggayuh cita-cita
ingkang sampun kula dambaaken.
Kangge adhik-adhik kelas 7 saha kelas 8, kula minangka sesulihipun kanca
kelas 9 nyuwun pangapunten dhateng adhik-adhik, selami kakak kelas 9 ngayahi
pasinaun wonten sekolah menika, mbok menawi
kula sakanca wonten kalepatan ingkang disengaja dhateng adhik-adhik,
kula sakanca nyuwun pangapunten ingkang kathah. Kula sakanca ugi donga’aken
adhik-adhik mugi-mugi anggenipun ngayahi pasinaun kanthi angsal hasil ingkang
sae, amin…
Mugi-mugi SMP N 1 Lasem tercinta niki dados sekolah RSBI ingkang sae
ugi berprestasi ngantos dumugi internasional. Ugi dados sekolah unggulan wonten
daerah Rembang.
Cekap semanten atur kula, mbok bilih wonten klenta-klentunipun atur
kawula dhateng penggalih panjenengan sami, kula nyuwun samudra pangaksami
Wabillahi taufik
walhidayah
Wassalamu’alikum
warahmatullahi wabarakatuh
Tidak ada komentar:
Posting Komentar